Amser i Siarad Gyllideb 2026-2027

Croeso i’n harolwg cyllideb 2026!

Bob blwyddyn mae’n rhaid i’r Cyngor osod cyllideb gytbwys i ariannu gwasanaethau lleol gan gynnwys addysg ac ysgolion, gofal cymdeithasol, gwasanaethau gwastraff ac ailgylchu, gwasanaethau digartrefedd, priffyrdd a thrafnidiaeth, llyfrgelloedd, gwasanaethau diwylliant a hamdden.

Telir am Wasanaethau’r Cyngor drwy gyfuniad o gyllid gan Lywodraeth Cymru, y Dreth Gyngor a chodi incwm drwy ffioedd a thaliadau. Ar gyfer Cyngor Bwrdeistref Sirol Pen-y-bont ar Ogwr, mae cynnydd o 4.6% yn y cyllid gan Lywodraeth Cymru sy’n golygu y byddwn yn gwario £550m ar ddarparu gwasanaethau hanfodol i’n cymunedau ac mae ein bwlch cyllido ar gyfer y flwyddyn i ddod wedi lleihau.

Fodd bynnag, ar ôl dros ddegawd o lymder a galw cynyddol am wasanaethau sy'n uwch na'r twf mewn cyllid, mae gwasanaethau cyhoeddus yn parhau i fod dan bwysau, ac mae'n rhaid i ni ddod o hyd i arbedion a chynyddu taliadau ar gyfer rhai gwasanaethau.   Bydd y gyllideb ddrafft ar gyfer 2026/27 yn cael ei hystyried gan Gabinet y Cyngor ar 13 Ionawr 2026. Wrth gydbwyso'r gyllideb ddrafft, cynigir ariannu pwysau ariannol o £9.2m a gwneud arbedion cost o £2.4m. Y Dreth Gyngor arfaethedig ar gyfer 2026/27 yw 4.95%. 

Mae ein cynigion arbed yn blaenoriaethu cefnogaeth i'r rhai mwyaf agored i niwed, yn amddiffyn gwasanaethau rheng flaen cyhyd â phosibl, ac yn sicrhau cyllid teg ar gyfer addysg a gwasanaethau cymdeithasol.   Mae hyn yn cynnwys cynnydd net mewn cyllid i ysgolion, gwasanaethau plant a gwasanaethau oedolion – ni fydd unrhyw dargedau arbed ar gyfer ein hysgolion.

Mae gennym gynlluniau i drawsnewid y ffordd rydym yn darparu gwasanaethau i’w gwneud yn fwy cadarn a mwy effeithlon yn y dyfodol, er enghraifft drwy ddefnyddio technoleg ddigidol a Deallusrwydd Artiffisial (AI) i sbarduno gwelliannau.

Mae’r arolwg canlynol yn gofyn am eich adborth chi am ein cynigion ac oherwydd cynnydd hwyr yn ein cyllid mae gennym rywfaint o arian heb ei ddyrannu ar gael ac yn croesawu eich barn ar ble i flaenoriaethu hyn.

Diolch am gymryd yr amser i rannu eich barn a’n helpu i lunio dyfodol gwasanaethau yn ein cymuned.